ბაქო: აზერბაიჯანის არმიამ ჯებრაილის რაიონში რამდენიმე დასახლებულ პუნქტზე კონტროლი დაამყარა,- ამის შესახებ აზერბაიჯანის პრეზიდენტმა ილჰამ ალიევმა განაცხადა.
”აზერბაიჯანის შეიარაღებულმა ძალებმა ოკუპაციისგან გაათავისუფლეს სოფლები სოლთანლი, ამირვანლი, მაშანლი, ასანლი, ალიკეიხანლი, გუმლაგი, ჰაჯილი, გოიერჩინვეისალი, ნიაზგულარი, კეჩალ მამედლი, შაჰველი, ჰაჯი ისმაილი, ისაკლი!" - წერს ალიევი "ტვიტერში".
სომხეთი და აზერბაიჯანი მთიან ყარაბაღში ახალ ჰუმანიტარულ ზავზე შეთანხმდნენ. ცეცხლის შეწყვეტის რეჟიმი 18 ოქტომბრის, 00:00 საათიდან უნდა ამოქმედებულიყო, თუმცა მხარეები ერთმანეთს კვალვ შეთანხმების დარღვევაში ადანაშაულებენ.
მთიან ყარაბაღში ცეცხლის შეწყვეტის შესახებ პირველ შეთანხმებას 10 ოქტომბერს ხელი სომხეთისა და აზერბაიჯანის საგარეო საქმეთა მინისტრებმა მოსკოვში მოაწერეს.